AZAM RWANDA PREMIER LEAGUE

December 15, 2016 ingenzinyayo 0 Comments

Shampiyona y’ u Rwanda k’umunsi wa munani

Rayon Sport ikomeje kuyobora naho Gicumbi FC ica agahigo.

Shampiyona itangiye kwerekana amwe mu makipe ashobora kuzigaragaza ko ashaka ibikombe bikinirwa mu Rwanda.Ubu bimaze kugaragara ko abatoza bamwe batangiye kujya mu manegeka. Isesengura ryerekana ko ubushobozi bushingiye ku ifaranga nabwo bwatangiye kwigaragaza. Abasifuzi nabo bavugwaho guhuzagurika cyangwa guhabwa insimburamukino ku ikipe ishaka intsinzi. Rayon Sport ikomeje gushaka igikombe

Ibisabwa kugirango shampiyona ikomeze ibe nziza birasaba guhemba abakinnyi,guhemba abasifuzi n’ibindi byose biranga umupira w’amaguru.Ikipe ya Rayon sport hamwe na Espoir bikomeje kwerekana ko mu gice cya mbere cya shampiyona biriho biraziha amahirwe yo kwinjira mu kwa mbere bafite icyizere cyo kuba muri enye za mbere.

APR Fc yatsinze Sunrise

Ikipe ya APR FC nayo kuva aho ihinduriye umutoza byahindutse kuko irabona intsinzi.Ikipe ya Police fc nayo umutoza wayo arashaka kuyubakiraho izina. Etencelles yo biraboneka ko umutoza wayo bitangiye kumukomerana. Ikipe ya Espoir umutoza wayo arashaka kubakira izina i Rusizi.

Police Fc irashaka guhindura amateka

Amazamu ya Rayon Sport ntakiri isugi, mu gihe ikomeje kuyobora urutonde rw’agateganyo rwa shampiyona. Espoir muri enye za mbere, Kiyovu kuzanzamuka,Marine yikura ku rutonde rw’amakipe azamanuka naho Mukura Vs irerekeza ku manegeka, na Sunrise igenda ishira nk’isabune imesa imyenda y’uruganda. Espoir Fc ikipe itaratsindwa igitego na kimwe

Mu gihe hibazwaga ninde mukinnyi uzatsinda igitego mu izamu rya Rayon Sport,?w’ikipe yihe ?ku kibuga kihe?agahigo kaciwe kuko rutahizamu w’ikipe ya Gicumbi FC umugande Mutebi Rashid niwe washubije icyo gisubizo.

AS Kigali ibibazo ni byinshi

Ubu rero Mutebi niwe wagaragaye ko aciye agahigo iyo kipe izwi kugira abafana benshi yarigejeje ku munsi wa karindwi wa shampiyona itaratsindwa igitego.Ni ku mukino wo ku munsi wa munani wa shampiyona nkuru y’igihugu izwi nka “AZAM RWANDA PREMIER LEAGUE” nk’umutera nkunga rukumbi ubwo habaga impinduka zidasanzwe ku mukino wahuzaga ikipe ya Rayon Sport yakiriye ikipe ya Gicumbi FC kuri stade ya Kigali kuwa gatandatu tariki 10/12/2016 akaba aribwo paje ya Rayon Sport yanduzwaga hafungurwa amazamu yayo hinjizwamo ibitego mu mikino irindwi yose yari ikinnye yaba yakira cyangwa yasuye byari bimenyerewe ko itsinda idatsindwa.Usibye guca ako gahigo uwo mukino niwo wabonetsemo ibitego birindwi bikaba aribyo byinshi bibonetse mu mukino umwe kuva shampiyona yatangira.

Bugesera Fc ifaranga ryatangiye kuba ikibazo

Ibi byagaragaye nka kandi gahigo kari gaciwe muri iri rushanwa. Ibitego byinshi byabonetse ntibyarengaga bitanu.Uyu mukino wahuzaga Rayon Sport na Gicumbi wari wabimburiwe n’umukino wahujije ikipe ya AS Kigali na Musanze FC, aho uwo mukino warangiye AS Kigali itsinze 2-1 nk’uko byari byitezwe, Musanze FC iba itakaje imikino itatu ikurikirana.

Etincelles yugarijwe nibibazo

Rayon Sport yihereranye iyo Gicumbi iyitsinda ibitego 5-2 ari nabyo bitego byinshi iyo kipe itsinze kuva shampiyona itangiye.Indi mikino yabaye kuri uwo munsi wa munani, Espoir yakomeje intego yayo yo kudatsindwa itsinda Kirehe iwabo igitego 1-0 bituma iza muri Big 4 (enye za mbere) naho Kirehe FC iba itsinzwe imikino ibiri ikurikirana.

Sunrise Fc ikomeje kwerekana ko ntakerecyezo ifite mu mupira w'amaguru

Bugesera yatsinze Amagaju iwayo 2-1 naho Police FC itsinda Pepinieri itaratsinda umukino n’umwe ku Ruyenzi 2-1 ku kibuga cyari cyuzuye amazi. Mukura igabana inota na Marines i Rubavu bituma Marines iva mu murongo utukura iwusigamo Amagaju na Pepinieri.

Kirehe Fc niyo ifunze umurongo ku munsi wa munani wa shampiyona

Shampiyona yarakomeje Etencelles yakiriye Kiyovu i Rubavu, Aho Kiyovu yayigirijeho nkana iyitsinda 3-1 bituma Kanamugire abona itsinzi ye ya kabiri kuri Kiyovu ubu utarayitsinze nasubizwe amerwe mu isaho. APR FC yari yakiriye Sunrise yigize kuyobora urutonde rw’ agateganyo rwa shampiyona. Aho APR FC yabonye itsinze bigoranye itsinze uwo mukino 2-1.