Rayon Sport yakuye intsinzi mu menyo ya rubanmba
Ikipe ya Rayon Sport,ikipe ikundwa na benshi,ikipe ifite amateka akomeye mu mupira w’amaguru mu Rwanda ikoze akazi katoroshye bituma yinjira mu matsinda.
Intsinzi ya Rayon Sport yabonetse imitima y’abakunzi bayo yenda gusimbuka igitereko.Aba Rayon bati :Imana dusenga irakomeye.Umukino wahuje ikipe ya Rayon Sport yo mu Rwanda na Costa de Sol yo mu gihugu cya Mozambique wari uwo kwishyura muri Caf Confederation cup.
Umukino ubanza Rayon Sport yari yatsinze Costa de Sol ibitego bitatu ku busa,uyu mukino wabereye kuri Stade Regional,naho uwo kwishyura wabereye i Maputo Costa de Sol yatsinze Rayon Sport ibitego bibili ku busa.Impamba y’ibitego bitatu bya Rayon Sport ku busa bwa Costa de Sol niyoyatumye ikipe y’u Rwanda izamurwa mu ntera ikajya mu matsinda ku nshuro ya mbere.
Umutoza wa Rayon Sport, Ivan Jacky Minnaert, yavuzweho byinshi kubera ko yari yapanze liste nabi mu kibuga biza no gutuma Costa de Sol ibasha gutsinda Rayon Sport ibitego bibili kubusa.
Abakunzi b’ikipe ya Rayon Sport bishimiye ko hakozwe amateka bwa mbere mu mupira w’u Rwanda.Icyatangaje abanyarwanda n’abakunzi b’ikipe ya rayon Sport ni ijambo ry’umutoza Ivan yivugiye ko muri Mozambique atazajya kurinda izamu ngo yizere ibitego bitatu yatsinze i Kigali kuko ashobora kubyishyurwa ahubwo azakina umukino usanzwe, akaba yarasabye abakinnyi be kumva ko bisa n’aho bagiye gutangirira ku busa.
Ibi rero umutoza Ivan yarabyishe bituma ikipe ya rayon Sport itsindwa.Abakinnyi Muhire Kevin na Usengimana Faustin aho bagiriyemo ibintu byarahindutse.
Igisigaye ni ukureba uko imikino yindi azayikina. Rayon Sport ifite urugamba rukomeye, hari igikombe cy’Amahoro,hari shampiyona ikiri mbisi hari irushanwa nyafurika rigomba kwerekana ko yatwara n’igikombe cy’Afurika. Ibyishimo byinshi ku bakunzi ba Rayon n’ubu biracyakomeza.
Umurungi Aline
