Ikipe ya Rayon sport bavuze ishyamba bajijisha none barigezeho bemezako Dr Rwagacondo Claude asimbura Muvunyi Paul
Amakuru akomeje gucaracara mu bafana b,ikipe ya Rayon sport arashimangirako Visi perezida wayo Muhirwa Fred ayoboye itsinda ryeguza Muvunyi rikimika Dr Rwagacondo.
Intandaro yibyo byose ngo yaba yavuye ku kibazo cy'uko Muhirwa Fred yishyuza ikipe amafaranga miliyoni cumi nesheshatu ,ayo mafaranga rikaba ari ideni ryavuye ku manama yahuje amafan base yose abumbiwemo fan club zigize ikipe ya Rayon sport.
Nkuko tubikesha inshuti za hafi za Muhirwa ngo yarishyuje perezida wa Rayon sport Muvunyi arabimwangira bituma ishyamba ritangira hagati muri nyobozi bisimbura rimwe bavugaga,Twahamagaye Muhirwa ngo agire icyo adutangariza arabyanga,Ikindi kibazo cyazanye ishyamba ni inama Muhirwa yakoresheje akirukana fan club atabifitiye uburenganzira ,Fan club imwe akaba yarayihoye ko ibamo umufana wa Rayon sport batumvikana.
Muhirwa Fred kuba yarirukanye fan club binyuranije n'itegeko bamwe abashinja ibihuha nabyo ataragaragaje uko babikwije bikaba ikindi kibazo gikomeye,Niba rero umuntu atangiye kwirukana abandi mu ikipe biraganisha ahabi ikipe,Bamwe mu bakunzi ba Rayon sport baganiriye n,ikinyamakuru ingenzinyayo.com bagitangarijeko Muhirwa agomba kwegura kuko yakoze ikosa ryahagaritse abanyamuryango hatabaye inteko rusange,hashingiwe ko fan base yishingikirije itabifitiye ububasha.
Dr Rwagacondo aramutse agiyeho bitanyuze mu nzira iboneye nawe byamugora kuyobora,Inyungu za bamwe igihombo gipfobya ibyishimo bya ba Rayon,Ikindi iyi komite bibonekera buri wese ko yugarijwe n,ibibazo cyane ko abakinnyi bari kuzabafasha gutwara shampiyona babagurishije batabasimbuza.
Umutoza nawe ari mubatazi guhangana nindi bakina ,ibi byose bigatuma umufana areka gutanga umusanzu,Andi makuru ngo nuko abo uhirwa yirukanye bagiye kwandikira komite kugira ngo barenganurwe bitakorwa bakiyambaza izindi nzego z' ubutabera.
MURENZI LOUIS
