Gukuraho igikombe cya Pentekosite byabaye inzira yo kuniga umupira w’amaguru.
Irushanwa ry'igikombe cya Pentekosite 1983 ryegukanywe b'ikipe ya Pentheres noire itsinze iya Mukura Vs ibitego bine kuri butatu.
Abasesengura iby'umupira w'amaguru basanga warasubiye inyuma kuko kuva mu rwego rw'amasegiteri ,ukagera mu bigo by'amashuri abanza kugeza kuri za Kaminuza ntawugikinwa.
Inkuru yacu iri ku mateka y'igikombe cya Pentekosite cya kinwe mu 1983 kugakinirwa n'amakipe atatu ariyo:Kiyovu sports yari ifite igikombe cya shampiyona ya 1982 hakiyongeraho ikipe ya Mukura Vs yari igitwaye inshuro ebyeri,ikipe ya Pantheres noire yari iya kabili.
Ikipe ya Rayon sports yo ntiyitabiriye iri rushanwa kuko yari yavuzeko nta bakinnyi ifite.Irushanwa ryatangiye tariki 21 gicurasi ikipe ya Kiyovu sports ihura niya Pantheres noire.
Umupira ugitangira umukinnyi wa Kiyovu sports Kiki Rucamumakara yakoze ikosa ahabwa ikarita itukura aba asohowe mu kibuga.Ikipe ya Panthers yatsinze iya Kiyovu ibitego bitatu kuri kimwe.Abo dukesha aya makuru badutangarije ko Muvala yaje kubura umuha umupira na Tindo ntiyabasha gukina nkuko yakinaga butuma Kanyarabonye atangira gukina nabi avunana bituma biha icyuho Pantheres irabatsinda.
Irushanwa ngo ryakomeje ku cyumweru rihuza ikipe ya Mukura Vs na Kiyovu sports.Umupira ugitangira Kangamina Ndamage yatsinze igitego Ikipe ya Kiyovu sports yahise ikura Isumayile mu izamu ishyiramo Bazimya ngo barebe ko batahana intsinzi ,bakinishije na Mahame utari waraye akinnye.Byaje guhura Mahame atsinda igitego cy'umutwe.Abarebye uwo mukino badutangarijeko ngo ikipe ya Mukura yabaye nkishotowe Nakabwa Etienne atsinda icyakabili.
Rutagengwa Charles Runuya ashyiramo icya gatatu.Irushanwa rirangira ikipe ya Kiyovu sports itsinzwe ibitego bitandatu yo itsinze bibili.Ku wambere tariki 23gicurasi nibwo hakinwe umukino wa nyuma wo gutwara igikombe uhuza ikipe ya Pentheres noire na Mukura Vs.Umukino ugitangira ikipe ya Mukura Vs yahise itsinda iya Pantheres noire ibitego bitatu mu minota 26.
Pantheres yahise ihindura umunyezamu inabwira Karuranga gufata Ndamage kuko yari yananiye Havugarurema.Uko Mukura yatsindaga niko Pantheres yarushagaho kugira umurego.Rutahizamu wa Panthers iyakaremye Baduru wari wsriswe manayibitego yaje kwishyuramo kimwe muri byabindi Ndamage yabatsinze.Mukura itarakebuka Havugarurema abatsinda ikindi bityo aba yikuyeho ikosa yakoze Ndamage amutsindana ibitego.
Minani wa Pantheres yayitsindiye icyagatatu ku munota wa 92 muyinyongera .Bongeyeho iminota 30 kugirengo habonekemo utwara igikombe.Umukino wa Mukura wari warangiye kuko hari hasigaye hagaragara Gatama n'umuzamu Pierrot.
Umukino ujya kurangira Habibu wa Pantheres yatsinze igitego cya kane kubera ikosa ryari rikozwe na Muhima wo mu bakabili ba Mukura.Umupira urangiye Sudi wa Mukura wari watsinzwe ibitego bitatu yatangarije itangazamakuru ko irushanwa ryabereye ku kibuga Pantheres yitorezaho.Iri rushanwa ryagaragaje ko ikipe ya Rayon sports abakinnyi bayo nta byangombwa bafite kandi yitegura gukina Trophe Habyarimana no gusoza shampiyona.
Ikipe ya Kiyovu sports nubwo yatwaye shampiyona ya 1982 ryerekanye ko abakinnyi bayo bari hasi.Ikipe ya gisirikare yerekanye ko yiteguye bihagije.
Ubu abakunzi b'umupira w'amaguru bibaza impamvu Ferwafa yakuyeho iri rushanwa kandi ryarafashaga amakipe guhora yongera ubumenyi bw'abakinnyi babo?abategura amarushanwa muri ferwafa bibereye ku nyungu z'umushahara,aho kuba kuzizamura umupira w'amaguru.Abo bireba nimwe muhanzwe amaso.
Murenzi Louis
