Ntibyarindiriye Umukino wa Rayon Sport na Bugesera FC: Abana bo muri Sainte Trinite Academy batangiriye gufata imipira(Ball boys) ku mukino wa Bugesera FC vs MUKURA VS
Ubuyobozi bwa Sainte Trinite Academy de Nyamata bwashimiye akarere ka Bugesera na Bugesera FC ku cyizere babagiriye.
Bwagize buti “dufashe uyu mwanya ngo dushimire Akarere ka Bugesera, ubuyobozi bwa Bugesera FC, ku bwo kugirira icyizere abana bacu bakabafasha kuri match yahuje Bugesera FC vs Mukura VS, nk’abana batoragura imipira (Ball Boys)”
Icyakora nanone babajwe no gutsindwa kwa Bugesera FC, bahiga ko Rayons Sport itazabacika.
Trinite Jean de Dieu washinze Sainte Trinite, yagize ati “tubabajwe n’uko dutsinzwe Kandi ikipe yakinnye neza ndetse igahusha penaliti ebyiri(2) mu mukino, kuri 14/12/2025 Rayon Sports FC ntizahava, tuzayitsinda”
Umukino wahuje Bugesera FC na Mukura VS kuri uyu wa Gatanu tariki 5/12/2025 warangiye ku intsinzi ya Mukura VS 1-0 Bugesera FC.
Mu nkuru yacu y’ubushize byari biteganijwe ko, abana bo muri Sainte Trinite Academy bazajya batoragura imipira ku mikino yose ya Bugesera FC bahereye ku mukino wa Rayon Sports vs Bugesera FC tariki 14/12/2025 none ntibyarindiriye icyo gihe.
Ubuyobozi bwa Sainte Trinite Academy, bushimira ubuyobozi bw’Akarere ka Bugesera n’ubwa Bugesera FC ku cyizere babagiriye, dore ko Trinite Jean de Dieu washinze Sainte Trinite Academy avuga ko aya mahirwe batazayapfusha ubusa, ni mu gihe buzafasha abakinnyi n’abatoza kwigira kuri bakuru babo.
Trinite Jean de Dieu aganira n’itangazamakuru yagize ati “kuba abana bo muri Sainte Trinite Academy baramasa imipira ntitubikora nko kwishimisha, ahubwo binafasha kwigira kuri bakuru babo, nka twe coaching staff twigira ku batoza tureba systeme uko bazipanga, abana nabo tubaha umukoro wo kwigira ku bakinnyi bakuru kuko ejo ni bo bazakinira amakipe makuru, bigatuma bagira love of football(urukundo rwa Ruhago)”
Inkuru yanditswe na Cypridion Habimana
