Ruhago nyarwanda:Mu ikipe y’APR fc igicu gikomeje kubudika cyazimije . intsinzi
Umupira w’amaguru mu isi usanga uhuza ikipe ebyeri n’iyo zaba zikomoka mubihugu bitagirana ububanyi n’amahanga.Mu Rwanda ho byifashe gute?muri Ferwafa ho byifashe gute?mu ikipe y’APR fc ho byifashe gute? Inkuru yacu iri mu mupira w’amaguru duhereye uko bivugwa mu Rwanda.Umupira w’amaguru mu Rwanda uvugwamo ibibazo by’ingutu kuko abakunzi bawo benshi ntibakiwureba,hashingiwe ku nzira utegurwamo.Ferwafa yo inengwamo imikorere itari myiza kuko usanga yihinza inshingano.Ikipe y’APR fc yo benshi mubafana bayo basanga harabuditsemo igicu cyanize umwezi bigaha icyuho ikipe zindi kuyitsinda.Uko byifashe mu ikipe y’APR fc n’uko imaze iminsi ivugwamo amakosa ahanitse yatumye ibura intsinzi,bityo ikaba itaragiye mu matsinda,kandi yaraguze abakinnyi bahenze.Ikindi giteza bomboli bomboli mu ikipe y’APR fc n’ubukomisiyoneri mu igurwa ry’abakinnyi.Tugaruke inyuma gatoya mu ikipe y’APR fc igihe Nzamwita Vincent De Gaule yajyaga ayizanira abakinnyi bava mu mahanga ikaza kuba iciro ry’umugani ko yaguze cyangwa yazanye amakontineri.
Ubu rero mu ikipe y’APR fc haravugwamo ko baguze abafana ,bagura abanyamakuru none abakinnyi baguzwe barutwa na kanyarwanda.Kuki mu ikipe y’APR fc icyubahiro cyabagamo cyayoyotse byatewe n’iki?isesengura usanga APR fc yarakunze kuvugwaho gutwara ibikombe bya shampiyona muburyo bw’uburiganya,kugeza naho abafana bandi makipe bagiye bayihimba amazina menshi.Kuba muri APR fc haravuzwemo gukuraho Komite nyobozi yari iyobowe na Ltd Col Karasira Richard muburyo butavuzweho rumwe byerekanako ishyamba atari ryeru cyaneko umwe aba yagiye yubaka igikuta cye.Abari muri APR fc ku ngoma ya Ltd Col Karasira Richard batangiye kumena amabanga kuko bafite ubwoba ko bagiye kwirukanwa.Amakuru ava hagati muri APR fc arahamyako ubu Gen Rusanganwa nawe arashaka abe bazakorana ntawumubangamiye.Abakuru bamwe batangiye kurambagizwa kugirengo bahabwe inshingano zo kujya bahangana nabazajya bavuga amakosa yo mu ikipe.Kuba rero haravuzwe ubugambanyi bwakozwe igihe ikipe y’APR fc yakinaga niya Gorilla fc .Uyu mukino APR fc yakinishije abanyamahanga barindwi birangira itewe mpaga.Ese kuki Ltd Col Karasira Richard ariwe wabaye ikibazo kandi adatoza ngo anakore liste y’abakinnyi bajya mu kibuga?igicu kirakomeza kubudika mu ikipe y’APR fc kugeza ubwo hazafatwa ingamba zo gukumira kuvugwaho kubona amanota yahawe n’abasifuzi bayibereye.Urugero umukino APR fc yakinnye n’ikipe ya Vision fc ikirego cyageze muri Ferwafa.Kuki shampiyona ijya gusozwa APR fc igize ibirego byinshi?kuki APR fc ihora mubibazo muri Ferwafa buri kipe byakinnye ivugako yayibye?mugihe bizakomeza gutya FIFA cyangwa CAF bikinjiramo APR fc yahabwa ibihano byayishyira mucyiciro cya gatatu.
Murenzi Louis
