Irushanwa CECAFA Kagame cup:Ikipe ya Rayon sports yatsinze KVZ abafana babyina Murera igihugu cyose.

Umupira w’amaguru mu isi hose iyo ikipe umufana yihebeye itsinze arishima.Umufana ikipe yihebeye yanganya agatahana icyizere ko izatsinda ubutaha.Ikipe umufana yihebeye iyo itsinzwe atahana intimba.
Umukino wahuje ikipe ya Rayon sports na KVZ ukaba watangiranye igihunga kuri buri ruhande.Irushanwa CECAFA Kagame cup 2026 benshi bemeza ko ariryo rizerekana ikipe
ya Rayon Sports niba izabasha gutwara iki gikombe cyangwa izasubira mu matsinda .

Umukino wahuje ikipe ya Rayon sports niya KVZ werekanaga ko buri mukinnyi wayo akina ashingiye ubuhanga bwe kuko bataramarana igihe ngo bahuze.Kuba Rayon sports yatsinze ibitego bibili k’ubusa byahaye ibyishimo abafana byongerera icyizere abakinnyi cyo gukomeza gushaka intsinzi.

Abakinnyi b’ikipe ya Rayon sports bakinanye ubufatanye budasanzwe, bituma babasha kugera ku ntsinzi ishimishije y’ibitego bibiri ku busa.
Junior Kameni na Muhoza Daniel ni bo banditse amateka y’uyu mukino batsindira Rayon Sports intsinzi yashimishije abakunzi bayo ndetse n’Abanyarwanda muri rusange. Ibi bitego byatumye Rayon Sports yerekana ko yiteguye guhatana ku rwego rwo hejuru no guhesha ishema igihugu cy’u Rwanda.
Abakunzi ba Rayon Sports bakomeje kugaragaza ibyishimo byinshi nyuma y’iyi ntsinzi, bavuga ko ikipe yabo atari iy’abafana bayo gusa ahubwo ko ari ishema ry’umupira w’amaguru w’u Rwanda. Intsinzi nk’iyi ikomeza kugaragaza ko amakipe y’u Rwanda ashoboye guhatana no gutsinda ku rwego mpuzamahanga.
Rayon Sports yongeye kwerekana ko iyo ihagarariye igihugu iba ifite intego yo kurwana ku izina ryacyo. Uyu mukino wabaye isomo ryiza ku rubyiruko rukunda siporo, rwerekana ko ubwitange, imyitozo myiza n’ubumwe ari byo bitanga umusaruro.
Mu gihe Rayon Sports ikomeje urugendo rwayo, abakunzi b’umupira w’amaguru mu Rwanda bafite icyizere ko izakomeza kwitwara neza no kuzamura ibendera ry’u Rwanda.
I Jean Elie HAKIZIMANA