Uburezi bw’amashuri: Ishuri Kavumu TSS riri mu karere ka Nyanza Intara y’Amajyepfo Ngerageze valens akomeje kuritezamo bomboli bomboli RTB irebera.
Kavumu TSS yagabiwe Ngerageze valens yisunze Murwanashyaka Philippe akazu kabo kabujije bamwe mubarimu uburenganzira kageze mu marembera.Umwalimukazi Angelique we akomeje kujunubywa na Murwanashyaka Philippe.Ese Kavumu TSS n’irage RTB yaraze Ngerageze valens na Murwanashyaka Philippe?mugihe mu mashuri y’u Rwanda harimo ibibazo by’uko hari abarimu n’abandi bafite naho bahuriye nayo bafunze muri Kavumu TSS Ngerageze Valens, Ufitimana na Murwanashyaka Philippe bakingiwe ikibaba na RTB barayishyira mu manza, hiyongeraho Akarere ka Nyanza kigira ntibindeba.
Umukozi wo muri RTB waduhaye amakuru twamugize ibanga kugirengo batamwirukana, ariko yagize ati “Ngerageze valens afite amanota mabi y’imyitwarire uhereye ku kigo cya Bumba TVET School cyo mu karere ka Rutsiro ,ari naho yavuye agabirwa Kavumu TSS.Ubuyobozi bwo mu karere ka Rutsiro bwaje kumenyesha RTB kuko ariyo ifite ariya mashuri munshingano ko badakeneye Ngerageze valens ,kuko ahorana ibibazo nabo bakorana.Inshuti ze zifata ibyemezo muri RTB zamufashe akaboko zimujyana muri Kavumu TSS
.Hakozwe ibaruwa imukura Bumba TVET School imujyana Kavumu TSS.Akarere ka Nyanza ko kubera gasa nka katagira icyerekezo karyumyeho.Ni gute Ngerageze valens afata ifoto y’umukuru w’igihugu Paul Kagame akayitesha agaciro,Meya w’agateganyo Kajyambere agahabwa raporo akayiheza mu kabati.
Uyu mukozi wo muri RTB dukesha amakuru yakomeje adutangariza ko ngo Ngerageze valens yaje kwandikira Mifotra ko yajyanywe aho adashaka.Ariko ngo byari amayeri yarafitanye na bo muri RTB.
Uwo mu karere ka Rutsiro waganiriye n’ikinyamakuru ingenzi news paper na ingenzinyayo com nawe ntidutangaze amazina ye kubera umutekano we yagize ati twabonye Ngerageze valens avuye mu karere kacu twumva turaruhutse ,kuko ibibazo bye n’abakozi byari bimaze kuba byinshi.
Ikimenyetso cy’uko Ngerageze valens akingirwa ikibaba nabo muri RTB naho bazanye itsinda ryaje kugenzura uko yasannye amazu yaranze kwishyura abo afitiye amadeni.
Ikibazo cy’uko Ngerageze valens yasannye amazu yo muri Kavumu TSS atarishyura ba Rwiyemezamilimo cyateje impaka ndende,ariko itsinda rya RTB rimukingira ikibaba kugeza n’ubu.
Amakuru ava muri Kavumu TSS agera ku kinyamakuru ingenzi news paper na ingenzinyayo com aragira ati”Ngerageze valens yakoze Inama we na Comptable Ufitimana na Murwanashyaka Philippe ushinzwe amasomo bemeza ko abarimu bamwe na bamwe bagomba gushakirwa ibyaha bakirukanwa.Umucurabwenge Murwanashyaka Philippe ahita yemeza ko azabima amasomo yo kwigisha bityo bagafatwa nk’aho banze akazi.
Aka kazu ka Ngerageze valens nabo bafatanya kaje kwisanga ba barimu banditse ibaruwa basaba uburenganzira bwabo.Ikinyamakuru ingenzi news paper na ingenzinyayo com kiyifitiye kopi bose basinyeho nk’uko barenganyijwe.Intabaza yabo barimu yageze mu karere ka Nyanza ,ariko Kajyambere Patrick ntacyo yakora kuko arasiganwa n’iminsi.Kayitesi Nadine we yakingiye ikibaba Ngerageze valens cyane ko bizwi kubogamira kubakora amakosa akarenganya abarengana nk’ibyo yakoze ku bitaro bya Nyanza.
Ubwo ikinyamakuru ingenzi news paper na ingenzinyayo com cyabazaga amakuru umuyobozi mukuru wa RTB n’ubwo yanze kugira icyo atangaza ,na Ngerageze Valens nawe akanga kugira icyo atangaza ,ariko dore bumwe mubutumwa Ngerageze valens yashyize kuri gurupe ahuriraho nabo barimu bimwe amasomo bashaka ko bakwirukanwa.
Ubutumwa bwa Ngerageze Valens: Bsr, ejo dufite inama kandi ndasaba ko buri wese azaba ahari tuzaba turi kumwe n’ umuyobozi bw’ umuryango mu murenge; *ikindi ndasaba ko mugitondo buri mwarimu aza muri office ya HT gufata ingengamasomo ye*
Hano n’iho bigaragarira ko Kavumu TSS yugarijwe n’ibibazo,ariko inzego z’ubuyobozi zitandukanye zikorera mu karere ka Nyanza zikwiye kubibazwa.
Muraho
Ephrem: Nitwa Ephrem Nsengumuremyi nd’umunyamakuru nyobora ikinyamakuru ingenzi news paper na ingenzinyayo com
Muyobozi mukuru wa RTB ikinyamakuru ingenzi news paper na ingenzinyayo com kifuje kubabaza amakuru yo mu kigo cya Kavumu TSS kiri mu karere ka Nyanza, Intara y’Amajyepfo.Ubu haravugwamo umwuka mubi watejwe n’uko hari abarimu bagera ku icyenda bimwe uburenganzira bushingiye guhabwa amasomo ngo bigishe.Ese iki kibazo ko kije gisanga ibindi bivugwa kuri Ngerageze Valens mugezehe mubikemura?
Itegeko rinyemerera guhabwa amakuru nk’uko nawe rikwemerera gutangazwaho inkuru igukekwaho uhawe umwanya wo kugira icyo utangaza.Kwimana amakuru bifite icyo bisobanuye,ariko nanone gukingira ikibaba Ngerageze valens biratanga isura mbi.Ibi nibyo Perezida wa Repubulika y’u Rwanda Paul Kagame ahora avuga ko umuyobozi wananiwe yakwegura hakiri kare.
Twakomeje gushaka igisubizo ku bibazo byugarije Kavumu TSS n’uwo bireba wese.
Ngerageze valens we ntajya atanga amakuru.Ntabwo bibuza gutangaza inkuru.
: Ikinyamakuru ingenzi news paper na ingenzinyayo com kikwandikiye kugirengo ugire icyo uvuga ku makuru atandukanye akuvugwaho mu kigo uyobora cya Kavumu TSS cyo kwima abarimu icyenda uburenganzira bwo kwigisha?twarinze dukora inkuru ntacyo Ngerageze valens aravuga.
Undi ni Murwanashyaka Philippe.
Muraho nitwa Ephrem Nsengumuremyi nd’umunyamakuru nyobora ikinyamakuru ingenzi news paper na ingenzinyayo com
Ikigo cy’ishuri cya Kavumu TSS ushinzwemwo amasomo haravugwamo ko wowe Murwanashyaka Philippe wambuye bamwe mubarimu uburenganzira bwo kwigisha kugeza naho ubimye amasomo?Tanga ishusho y’iki kibazo kikuvugwaho hagati yawe nabo barimu?
Inkuru itangajwe na Murwanashyaka Philippe ushinzwe amasomo muri Kavumu TSS yanze kugira icyo atangaza.Ministeri y’Uburezi nigire icyo ikora inzira zikigendwa.Kuba rero Ngerageze valens ariho yubaka akazu muri Kavumu TSS ababishinzwe barebera ,aho guhosha umwuka mubi ukomeje kuharangwa.ikizaba kizabazwa uwo ari we wese ufite igihangano.
Ubwanditsi
