Shampiyona yÔÇÖ u Rwanda kÔÇÖumunsi wa kane

Rayon Sport  niyo iyoboye Shampiyona by’agateganyo

Shampiyona y’u Rwanda yarangije umunsi wayo wa kane kuri iki cyumweru aho isize Umutoza Massudi Djuma  wa Rayon Sport ariwe uyoboye abandi batoza  nyuma yo gutsinda ikipe ya Marines akanabifashwamo n’ikipe ya Pepinieri n’umutoza wayo Kayiranga itarakundiye ikipe ya Sunrise bahataniraga umwanya wa mbere na Rayon Sport kutayikuraho amanota 3 iwayo.

                                                                                     Rayon Sport yahaye isoko Marines Fc

 Ku munsi wayo wa kane  wa Shampiyona waranzwe no kunganya kw’amakipe aho mu mikino umunani  yakinnywe, imikino yahuje amakipe atanu yaranganyije naho atatu aratsindwa.Muri ayo yanganyije abiri yanganyije ubusa ku bundi naho atatu anganya igitego kimwe kuri kimwe.

                                                                                   Camarade APR FC

Iyi Shampiyona yatangiye kuwa gatanu tariki 4/11/2016 saa cyenda n’igice kuri Stade Regional ya Kigali ku mukino rukumbi wahuje ikipe ya Police FC na Gicumbi FC aho, ikipe ya Police n’umutoza wayo Seninga Innocent bakoze ibyo basabwaga batsinda ikipe ya Gicumbi yariherutse kuhanganyiriza na APR FC ibitego bibiri k’ubusa.

                          Abafana ba APR Fc barwaniye Nyabugogo

Shampiyona yakomeje ku munsi wakurikiyeho aho ibibuga bitandatu byakiriye imikino uwo munsi.  Muri ayo makipe yose hariho ayahabwaga amahirwe yo gutsinda bitewe n’ikipe bazakina, andi agashidikanywaho, ariko mu mupira w’amaguru byose birashoboka, hamwe niko byagenze izahabwaga amahirwe yo gutsinda zaratsinze izindi nazo ziranganya.

                                         Uyu mufana wa APR FC niwe washoje imirwano Nyabugogo

Dore uko amakipe yahuye n’uko imikino yarangiye

Kirehe FC yakiriye Etencelles FC kuri Stade ya Kirehe  aho umutoza Kishi  Sugunya Hamis yongeye kwiyerekana.Kirehe FC itsinda igitego kimwe Etencelles iba ikubitiwe Kirehe ya Rusumo.Mukura Victory yakiriye  insina ngufi Kiyovu FC  iwabo Huye iyikuraho amanota atatu n’ibitego bibiri kuri kimwe. Ikipe ya Kiyovu sport iratsindwa,ariko ifite ejo hazaza kuko ifite umutoza Kanamugire Aloys winararibonye mu mupira w’amaguru ushobora kuzubaka ikipe nziza nihatazamo ibyabayovu byo kwigumura.

                                Ababonye imyitwarire y'abafana ba APR FC barumiwe

 Musanze FC yakiriye APR  FC ibyo abantu bacyekaga byo gutsindwa siko byabaye. Ikipe zombi zanganyije ubusa ku bundi i Nyakinama. APR FC ubu irabona ko hakenewe umutoza winararibonye naho ubundi urugendo ni rurerure. Ikindi ni uko ubu abanyarwanda batangajwe n’imyitwarire ya bamwe mu bafana b’ikipe ya APR FC. Nyabugogo nibwo havuzwe urugomo rwakozwe  nabari bagiye gufana ikipe ya APR FC mu karere ka Musanze,aho bakubise bakanakomeretsa umuntu wacungaga umutekano wa Statation Nyabugogo. Umufana wa APR FC witwa Noheli Emmanuel yahise atabwa muri yombi.

                                                  Umutoza Kayiranga yatsinze Sunrise igitego umusifuzi aracyanga

Marines FC yakira Rayon Sport i Rubavu kuri Stade Umuganda, Marine ihahurira n’akaga ko gukubitirwa imbere y’abafana bayo ibitego bitatu kubusa ayo manota niyo yashyize Rayon Sport ku mwanya wa mbere.

                                                                  Umutoza Kishi akomeje  gutsinda amakipe

Indi mikino ni AS Kigali yakiriye Bugesera FC bananirwa kwisobanura banganya ubusa k’ubusa, Espoir FC yakira Amagaju iwabo kuri Stade Kamarampaka abantu biteze ko igiye kubona intsinzi yayo ya mbere ariko birangira ari igitego kimwe kuri kimwe bituma Amagaju FC ahakura inota ryayo rya mbere.

                                                      Mashami Vencent umutoza wa Bugesera

 Umukino washoje niwo warutegerejwe gutanga igisubizo ninde uyobora Shampiyona?Umukino  wahuzaga Pepinieri yakira Sunrise ariyo yariyoboye urutonde ariko birangira ari igitego kimwe kuri kimwe Sunrise iba ibisikiye Rayon Sport naho Pepinieri nayo ibona inota ryayo rya mbere.

                                                        Kwizera Pierrot ufite ibitego byinshi kugeza ubu

Shampiyona izakomeza ku munsi wayo wa gatanu aho amakipe azahura atya; tariki 18/11/2016 kuwa gatanu Kiyovu Sport izakira Musanze FC, kuwa gatandatu Le 19/11/2016 Police v/s Mukura, Bugesera v/s Marines, Sunrise v/s Rayon Sport umukino uzaba utegerejwe na benshi ikipe ya mbere ihuye ni ya kabili.

                                                                   Sositene yatesheje APR FC amanota

Ku cyumweru  Le 20/1/2016 APR FC v/s Kirehe FC, Amagaju FC v/s AS Kigali, Gicumbi FC v/s Espoir na Etencelles v/s Pepinieri.

Kugeza ku munsi wa kane umukinnyi watsinze ibitego byinshi ni Kwizera Pierrot wa Rayon Sport wibitseho ibitego bine mu mikino ine.

                               Gakwandi James