AZAMU RWANDA PRIMIER LEAGUE umunsi wa makumyabiri n’umwe. Urwishe ya nka ruracyayirimo, APR FC ibaye aka”WAGADI”

March 21, 2017 ingenzinyayo 0 Comments

Ikipe ya WAGADI yumvikanye mu Rwanda muri za 1987 aho yakinaga n'ikipe ya Mukura vs ikayitsinda ibitego bitanu kuri kimwe(5/kuri kimwe cya WAGADI)byaje gukomeza biba ihame ko ikipe yose itsindwa ari WAGADI.Ibi byaje kongera kugaragara ubwo WAGADI ni ikipe yo mu gihugu cya Somaliya yigeze kwitabira finali y'igikombe cya CECAFA (Kagame Cup) ikibaho,yakiriwe n'igihugu cy' u Rwanda muri uwo mwaka , iyo kipe yasize umugani wo gutsindwa n'ikipe zose bahuye muri iryo rushanwa.Nyuma y'iryo rushanwa uwo mugani warasigaye ikipe yose iyo isuzuguritse igatsindwa cyangwa ikanganya n'amakipe yo ku rwego rwo hasi niho hazaga uwo mugani ngo ikipe ni Wagadi cyangwa Mugambazi.

Ôäû	Ikipe TEAM	Imiki no P	Yatsi nze W	Yanga nyije D	Yatsi nzwe L	Ibitego yatsinze GF	Ibitego yatsinzwe GA	Ibitego izigamye GD	Ama nota PTS
1.	Rayon Sport	18	12	4	1	35	10	25	43
2.	APR FC	21	11	8	2	26	12	14	41
3.	Police FC	21	11	7	3	32	18	14	40
4.	AS Kigali	20	12	4	4	24	12	12	40
5.	Musanze FC	21	9	6	8	24	23	1	33
6.	Bugesera	20	8	8	4	22	12	10	32
7.	Espoir FC	21	6	9	6	17	13	4	27
8.	Etencelles	21	7	5	9	18	23	-5	26
9.	Sunrise FC	20	6	7	7	17	16	1	25
10	Kirehe FC	21	6	7	8	20	23	-3	25
11	Amagaju FC	21	7	4	10	17	21	-4	25
12	Mukura FC	21	4	8	8	14	21	-7	23
13	Kiyovu FC	21	5	6	9	23	33	-10	21
14	Marines	21	5	4	12	14	26	-12	19
15	Gicumbi FC	21	3	6	12	17	32	-15	15
16	Pepinieri FC	21	2	5	14	13	33	-20	11

Uyu mugani, wagarutsweho n'umukunzi w'ikipe ya APR FC ku munsi wa 21 wa shampiyona ku mukino APR FC yari yakiriyeho ikipe ya Pepinieri twari twicaranye nyuma yo gutsindwa niyo kipe ya Pepinieri mu gice cya mbere, igitego kimwe k'ubusa ku munota wanyuma w'igice cya mbere, amakipe agiye kuruhuka uwo mufana yarinanuye ati noneho ikipe yacu ibaye nka "Wagadi ndaganahe ,ati urwishe ya nka ruracyayirimo"Nanze kwirirwa mubaza impamvu "TIMU YA MAJESHI" ayise Wagadi ariko nk'umunyamakuru nahise menya icyo asobanuye. Yarasobanuye iki? yarasobanuye APR FC itarijyeze iba mu bihe byogutakaza amanota no gutsindwa n'amakipe mato cyangwa kunganya nk'uko ihagaze ubu.

Kamarade nawe ishyamba siryeru

Urugero mu mikino 6 ikinnye ihwanye n'amanota 18, ifitemo amanota 5 gusa ni ukuvuga amanota 13 yihereye abacyeba dore ku ubu abacyeba bayo ari Police FC na AS Kigali kuko aribo bahanganira umwanya wa kabiri ibintu bitigeze kubaho.

Muri iyo mikino itandatu ya phase- Retour, tubibutse ko APR FC yatsinzemo Mukura iri ku mwanya wa 13, 3-2, itsindwa na Gicumbi 1-0 iri ku mwanya 15 ariyo yayakiriye, inganya na Musanze fc iri ku mwanya wa gatanu ,inganya n'Amagaju 0-0 ari ku mwanya 11 i Nyamagabe, Inganya na Kirehe 0-0 iri ku mwanya 10 na Pepinieri 1-1 iri kumwanya wa 16 ariwo wa nyuma y'iyindi ari nayo yayakiriye ikinira imbere y'abafana n'abayobozi bayo, ibi bikaba bitarigeze kuba ku ikipe ya APR FC kuva yitwa yo.

Nyuma y'uwo mukino wari wahuje APR FC na Pepinieri, abakunzi biyo kipe y'ingabo z'igihugu bari bagize ubutwari bwo kugera ku kibuga, dore ko abandi babiretse, bananiwe kwiyumanganya bakora igisa n'imyigaragambyo basakuza ariko banavuga akari ku mutima wabo aho bagiraga bati; "Kamarade yegure, Kamarade yegure" kuvuga kwegura kwa Kamarade ariwe Karisa Adolphe ubwo basobanuraga we na staff ayoboye.

Jimmy Mulisa imitima yamubanye myinshi

Ngarutse kuri abo bafana cyangwa abakunzi biyita ko bakunda ikipe, bitiranyije ibintu. Ntibakabone umufana wa Rayon Sports cyangwa uwa Kiyovu beguze umuyobozi w'ikipe bakagirango no muri APR FC niko bimeze, abafana bayo makipe nibo batora abayobozi kandi amakipe ni ayabo batariho yasenyuka kuko aribo bayagize, ariko itandukaniro APR FC ntiriho kubera abafana ibafite yabaho, itabafite yabaho.

Ikindi kandi uwo Kamarade beguza bazi uwariwe? nibo bamutoye? bazi uburyo yagiyeho n'inshingano yahawe? bazi uburyo iyo kipe ishyiraho abayobozi? uwamushyizeho niwe ufite uburenganzira bumukuraho bitewe n'impamvu runaka, ariko ntabwo Kamarade akurwaho n'urusaku nk'uko biba mu yandi makipe yitwa ayabaturage.Ibi twandika si ukuvugira Kamarade ahubwo ubwe nibyo yivugira yereka abafana b'ikipe ya APR ko ntacyo bavuze imbere ye. Ubuse we yaba avuze iki mu gihe ikipe idatsinda?

Abayobozi ba APR FC nabo bakunda ikipe yabo, kandi barayikurikirana umunsi ku waundi iyo hacyenewe impinduka tuzibona ntawe bagishije inama. Kuribyo abafana nkunda murekeraho kwimarira umwuka mutegereze mwihanganye, utabasha kwihangana ntakajye ku kibuga azifata nk'abandi bose.Ubwo twari ku kibuga byavugwaga ko Kamarade agomba kweguzwa ku ngufu kuko we na Yves Rwasamanzi umutoza w'ungirije bananiza Jimmy Mulisa.Ikipe ya APR ifite ikibazo cyabaye barebera kuko iyirukanwa ry'abakinnyi ryakozwe na Kamarade ryatanzemo icyuho gikomeye kuko bamwe mubo birukanye nibo babatsinda.Andi makuru azenguruka ni uko Jimmy Mulisa yaba yasabye ko Yves Rwasamanzi bamwirukana kuko ngo amunaniza.Gusuzuzgurana bishobora kuzana ikindi kibazo ,gusa abakunzi b'umupira w'amaguru bo siko babibona.Abashishoza basanga hakwiye impinduka cyangwa bakarangiza shampiyona bakirukana irangiye kugirango batangire iya 2017/2018 bafite impinduka.

Rwasamanzi gusubira muri Kiyovu

Kuri uwo munsi wa makumyabiri n'umwe indi mikino yabaye, Police FC yanganyije na Musanze FC 2-2 (Kicukiro), Mukura FC itsinda Espoir FC 3-2 (Huye), Amagaju FC atsinda Marines FC 1-0 (Nyamagabe), APR FC inganya na Pepinieri FC1-1 (Kigali), Kiyovu FC itsindwa na Kirehe FC 1-0 (Ku Mumena), Sunrise FC itsinda Etecnelles FC 1-0 (Nyagatare) na AS Kigali FC inganya na Gicumbi FC 0-0 (Gicimbi) mu gihe umukino wa Rayon Sports na Bugesera FC wabaye ikirarane,

Shampiyona izakomeza ku munsi wa makumyabiri na kabiri amakipe ahura atya;

31/3/2017 : Rayon Sport FC vs Amagaju FC (Kigali)

01/4/2017 : AS Kigali FC vs Mukura V. FC (Kigali)

:Bugesra FC vs Sunrise FC (Bugesera)

:Marines FC vs Gicumbi FC (Rubavu)

:Kirehe FC vs Police FC (Nyakarambi)

02/4/2014 : Pepinier FC vs Kiyovu FC (Kuruyenzi)

:Musanze FC vs Espoir FC (Musanze)

:Etencelles FC vs APR FC (Rubavu)

Gakwandi James