Inzego zibanze zirugarijwe:Intara y’Amajyepfo niy’Amajyaruguru guhutaza abayobozi babigize umuhigo.

Aba dose bahabwa na FPR bapfa iki cyatuma umwe yirukana undi?es ubu nibwo butore?iki kibazo kimaze gufata intera ndende kugeza naho uwirukanywe muri ubu buryo aba atangiye in zira y’ubukene kuko atongera kubona akazi.

Ninde kunda u Rwanda kurenza undi?ninde wakwerekana ko ari intore kurenza undi?Buri wese iyo ashyiraho itafari ryubaka igihugu wowe umukuriye umva ko utashyizeho abili uwo urenganya ngo ashyireho rimwe?ese Minisitri Shyaka uwamubaza aho abirukanwa bajya yasubiza iki?

.Ugaba niwe unyaga?ibihe byujemo umwijima nibyo bikomeje kwibasira bamwe bo mu nzego zibanze beguzwa huti huti hatanarebwe ikosa ryafashwe ho icyemezo.Ninde utanga imyanya mu nzego zibanze turavuga Akarere n’umurenge?Niba ufite umwanya uruse uwo uyobora kuki wamwirukana byamviraha utanasesenguye?Urwangano ruravuza ubuhuha ababishinzwe batabikosora.

Minisiteri y’ubutegetsi bw’igihugu yo se bihagaze gute?Ikimaze kumenyerwa iyo Minisitri agiyeho ahita arema ba Meya agomba kwirukana. Abasesengura iby’ubutegetsi bw’u Rwanda kuva FPR ifashe ubutegetsi batangaza  ko uwari  Minisitri Kaboneka na Minisitri Shyaka Anastase wamusimbuye uburyo birukanye abo mu nzego zibanze  ko biteye kwibaza aho biva naho bijya hakayoberana.

Uwakoze amakosa kwirukanwa ntacyo bitwaye ariko se kwirukana ngo ushakire mwene wanyu umwanya bimaze iki?Inkubiri yo kwirukana ba meya yararangiye mu gihugu hose nonse Intara y’Amajyaruguru irirukana ba Gitifu b’imirenge nabandi bakozi bo mu turere. Intara y’Amajyepfo nayo ntiyasigaye kuko ba Gitifu b’uturere kongeraho abo mu mirenge barakusanywa bakirukanywa ubutareba inyuma.

Wowe wirukana uwo muntu uramwubakamo gukunda igihugu?ese ko umushakira icyaha cya mvira mu karere cyangwa umurenge wowe wahawe nande? . Aba Gitifu birukanwa bakavuga ko beguye ku mpamvu zabo bwite ,abo twaganiriye bose bantangarije ko biteye agahinda .Umwe yagize ati” ni gute uhamagarwa ukerekwa ibaruwa yanditse  bakwereka ahari izana ryawe ngo sinya ,rimwe na rimwe utazi nicyo usinyiye ,ubikora ngo bucye kabili.

Umwe wo muzego zizewe zikorera mu Ntara y’Amajyepfo we yantangarije ko hari Gitifu babwiye ngo andika ibaruwa ivuga ko akazi kakunaniye wegure ugende utarafungwa,uwo Gitifu yabwiye uwo muyobozi ko adashobora gusinya ko akazi kamunaniye aramwangira. Imbaraga zuzuyemo amakosa menshi zahise zihagarika Gitifu banga kumurenganura.Ibi byose bikorwa hifashishijwe irihe tegeko?urenganya we yumva bihagaze gute?ese we yumva uwo mwanya azawugumamo?

RGB yo kuki ihora ibeshya ko imiyoborere ari myiza kandi akarengane mu nzego zibanze kavuza ubuhuha? Ubuse ibi nabyo bizakenera umukuru w’igihugu ngo arenganure abarenganye?Icyakorwa ni uko buri wese yahagarara mu nshingano ze hatabayeho ngo byavuye hejuru kugirengo wirukanwe.Iki gihunga nicyo gituma inzego zibanze zikora nta bwisanzure  kuko aba atiyizera  ko azaguma muri uwo mwanya. Ibi nibyo biha izo nzego zibanze kutuzuza inshingano kuko aba avuga ko aribwirukanwe.

Meya nabamwungirije bagira manday’imyaka itanu,naho Gitifu w’Akarere nabo mu mirenge baba ari abakozi bakoze ikizamini.Iyi niyo mpamvu ituma babirukana hakoreshejwe ibaruwa yitwa ngo yeguye ku mpamvu ze bwite.Buri wese ukora igitekerezo cyo kwirukana mugenzi we aziko amuziza amaherere,nawe ajya amenya ko isi yihindukiza.Politiki yubatse ubutegetsi nidakosora igikorwa cyo kwirukana abo mu nzego zibanze izaba yica y’amahame ya FPR yashingiragaho yerekana impinduka zigomba kubaho mu mitegekere y’u Rwanda. Ababishinzwe nimwe muhanzwe amaso.

Kalisa Jean de Dieu