Ruhago nyarwanda.Ferwafa nidacunga neza ubukomisiyoneri burasenya amakipe isigare ku izina.
Umupira w’amaguru mu Rwanda wabaye iciro ry’umugani,kuko amakipe yaho yabuze epfo abura na ruguru, mugihe abayagabirwa bahora bifuza ko shampiyona yatangira bakagura abakinnyi.Ubukomisiyoneri no ku betting biza ku isonga mubisenya umupira w’amaguru mu Rwanda bagashakishiriza ikibazo,aho batazabonera igisubizo.Kuva 2005 nibwo umupira w’amaguru mu Rwanda watangiye kubura icyicaro n’abakunzi bawo batangira kugenda bawureka,none byafashe indi ntera.Reka tubanze ku kibazo cy’ubukomisiyoneri duhereye mu ikipe y’APR fc, Rayon sports, Kiyovu sports,Mukura vs,Police fc, Etencelles fc,Musanze,Amagaju fc,As Kigali,As Muhanga, Gicumbi fc, Etoile de l’est,Muhanzi United n’izindi zo muturere zihora muri muzunga izizunguza zijya mucyiciro cya mbere zisubira mucya kabili.
Aya makipe yahuye n’ikibazo gikomeye kuko abakomisiyoneri bajyaga mu mahanga bakazana abakinnyi badaheruka no mu kibuga bagasezerana uko baza kwiba ikipe.Urugero n’urwuwavuye muri Uganda witwaga Karangwa John.Mwibuke isizeni yigeze kwitwa ngo ikipe yamanuye amakontineri?mwibuke abakinnyi bagiye banyura murayo makipe bohererejwe amafaranga abazana bakihutisha kubashakira ibyangombwa bagahombera amakipe.Imyaka yashize reka turebe 2024/2025 nk’aho ikipe zimwe zazanye abakinnyi b’abanyamahanga bakabahombera.
Murebe uko izi kipe zicibwa amande kubera kwirukana abatoza n’abakinnyi byishe amategeko.Uruhare rwa betting rwo rwarunduye umupira w’amaguru mu Rwanda cyane ko hatangiye kuvugwa ko hariho abayobora amakipe babetinga.
Ferwafa iyobowe na Shema Fabrice yari yitezweho kuzakora ikinyuranyo mu mupira w’amaguru mu Rwanda,ariko nayo izarinda imurwaho ntacyo igezeho.Aha niho benshi bibaza bagira bati”ko kuyobora ikipe bidahemberwa inyungu ivahe?kuki babirwanira?mu ikipe y’APR fc bigeze gufunga abavuzweho kuroga amakipe,hanavugwamwo ifungwa ryabanyereje amafaranga,ariko kugeza n’ubu ntacyahindutse.Ikipe ya Rayon sports yirukanye umutoza Rofti yongeraho n’abakinnyi kandi babaguze babazi.
Igihombo gikomeye.Ikipe ya Kiyovu sports yigeze guhabwa ibihano kubera kutuzuza inshingano.Ikipe ya Police fc kuva 2003 kugeza n’ubu nta kibazo iragira.Ikipe zisigaye ziri mubunyerere niba ntagikozwe ngo bazitabare ziraburirwa irengero nka Espoir fc yo mu karere ka Rusizi.Abafana nabo bakomeje kugenda bahunga amakipe bihebeye ,kuko ntacyerekezo.Ufite umuti w’uko umupira w’amaguru mu Rwanda watera imbere niwe uhanzwe amaso.
Murenzi Louis
