Ruhago nyarwanda:Irushanwa ry’igikombe cy’Amahoro ikipe ya Rayon sports yasezereye iya Police fc murera ibyinwa mu gihugue hose.
Abakunzi b’ikipe ya Rayon sports nyuma yo gutsinda Police fc bati “ikipe y’Imana”murera yabyinwe bakomeza kwiyemeza gushakira abakinnyi agahimbazamusyi.
Uwahimbye umupira w’amaguru akanashyiraho amategeko yawo akwiye gushimirwa ,kuko mu isi hose abawukunda,abawuyobora kugeza kubawukina bose bishimira intsinzi y’ikipe yabo.Umwaka w’imikino 2025/2026 ikipe ya Police fc yatsinze iya Rayon sports igitego kimwe k’ubusa umukino ubanza wa shampiyona.Umukino wo kwishyura iya Rayon sports nayo yihimuye ku ya Police fc igitego kimwe k’ubusa.Irushanwa ry’igikombe cy’Amahoro umukino wa mbere banganyije ubusa k’ubusa.Umukino w’ishiraniro iya Rayon sports yasezereye Police fc ibitego bine kuri bibili.
Abarebye uko umukino wahuje iz’ikipe zombi zakinnye bemeje ko Rayon sports yazamuye urwego rw’imikinire.Abakinnyi ba Rayon sports bari bemerewe ifaranga ritubutse nibasezerera Police fc.Komite nyobozi y’ikipe ya Rayon sports nayo yishimiye intsinzi ,kuko buri mufana yatahanye ibyishimo.Abakunzi b’umupira w’amaguru mu Rwanda bifuza ko imisifurire yahinduka ,ikipe igatsinda yabiharaniye.Nyuma y’intsinzi y’ikipe ya Rayon sports umufana wayo wiyita umuhuriga Rwaritabura yagize ati “iyi ntsinzi tuyibonye twari tuyiteguye .Abafana bandi makipe nabo bemeye ko Rayon sports ibarusha ubwinshi ,kuko nta kipe n’imwe yabigezaho.Umutoza w’ikipe ya Police fc nyuma yo gutsindwa na Rayon sports yemeye ko abakinnyi be batakinnye uko yababwiye.Rayon sports ifite inyota yo gutwara igikombe cy’Amahoro,kuko icya shampiyona gisa nikiriho kigenda kirenga kijya muzindi kipe.
Kalisa Jean de Dieu
