Niyoyita Elie aratabaza Gitifu w’Umurenge wa Kigarama mu karere ka Kirehe kuko Habiyakare Cyprien yigabije umutungo yiyita umwana wa Nyakwigendera Sekabuhoro.

Inyota y’ubutunzi ikozwe mu ishyari ribyara urwangano n’iyo ikomeje kuba kirimbuzi mu muryango nyarwanda.Umuyobozi mwiza iyo ashishoje mu mboni ya nyayo byose bikemuka mu mahoro.Ikinyamakuru ingenzi news paper na ingenzinyayo com kiri mu mudugudu wa Kiravunga, Akagali ka Kigarama, Umurenge wa Kiragama ,Akarere ka Kirehe mu ntara y’iburasirazuba.

Ikibazo kiri hano tuvuze haruguru kiraterwa no gushaka gukandagira ibyanditswe mu Irage.Ubwo Sekabuhoro Ezekiyasi yaragihumeka yarebye ibyiza yakorewe na Niyoyita Elie byo kumwitaho maze amuraga isambu ye.Ubwo Sekabuhoro Ezekiyasi yatekerezaga ko Irage rishyirwa mu nyandiko yafashe abaturanyi basinyirako araze isambu ye Niyoyita Elie.

Byaje kuzamo kidobya Sekabuhoro Ezekiyasi amaze kwitaba Imana kuko Habiyakare Cyprien yaje kuvugako ariwe mwana we.Irage ryaje kuzamo ikibazo.

Niyoyita Elie we ashimira ubuyobozi by’Umurenge wa Kigarama kuko Gitifu wawo yamuteze amatwi yumva ikibazo cye.
Ingenzi uratangira uvuga amazina yawe n’ikibazo cyawe?
Nitwa Niyoyita Elie ntuye mu Karere ka Gatsibo Umurenge wa Rugarama Akagari ka Gihuta.Ikibazo cyanjye: 25/01/2018 nahawe uburage n’umusaza witwa Sekabuhoro Ezikiyasi utuye mu Karere ka Kirehe Umurenge wa Kigarama Akagari ka Kigarama Umudugudu wa Kiravunga.ubwo butaka maze kubuhabwaho umurage Sekabuhoro yanjyanye ku Murenge Inshuro zirenga eshanu asaba Noteri iryo rage ryakwandikwa mu Gitabo cy’irage ku murenge Noteri witwa Uwera Adeline arabyanga atubwira ko ngo nubwo yifuza ko nahabwa irage ko ngo bitashoboka agihumeka kuko ngo arinyandikishijeho nkahita mwica cyaba ari ikibazo,atubwira ko ngo ikiza ari uko irage ryanditse mu ikaye kandi ngo rikaba ririho n’abagabo ko ngo ngomba gutegereza azapfa yamara gupfa akaba aribwo ngo nzana iyo kayi anterera kashi yuko negukanye iryo rage.

Noteri yahise abaza uwo musaza ati “Nonese muzee kubera iki ushaka guha irage uyu mugabo mudafite icyo mupfana nukuvuga ko nta wundi wo mu muryango wawe wariha?arongera arambaza ati”nonese wa mugabo ko nziko Abayehova mutabyara ubundi arakuraga ibyo bintu ngo uzabigire ute?asoza avuga ngo nuko rero nimugende napfa aribwo uzagarura iyo kayi tuwemeze.kuva icyo gihe kugeza igihe yapfiriye kuya 12/05/2025 afite imyaka 100 nakomeje kumwitaaho kuri buri kintu cyose yabaga akeneye;habura amezi atatu ngo apfe nibwo nibwo babonetse abantu biyise bene wabo batari barabonetse mu bihe bigoye umusaza yanyuzemo bahita bahamagara uwo abo bitaga umwana we ngo naze Ise agiye gupfa ngo ibye bitazatwarwa n’abandi.nibwo hahise haza uwo musaza witwa Habiyakare n’umugore we baza kumubyigira mu nzu y’akumba kamwe nari narubakiye uwo musaza Sekabuhoro.uko bagendaga bamarana igihe nawe niko bumvaga arushaho kubarambira batangira kumutoteza kugeza ubwo umusaza yayisemo kujya kwiyahura bamutahura atarabikora ariko abwira muyobozi w’umudugudu ko yabiyewe n’uko ngo bamuhozaga ku nkeke bamubwira ngo nabahe impapuro z’ubitaka,agatabo ka bank n’irangamuntu ye .kuva baza bibaye umusaza ntiyigeze yemeza haba mu nyandiko cg mu mvugo ko uwo ari umwana we.nyuma gato rero nibwo umusaza yahise apfa mu buryo butunguranye mu gitondo atarwaye.

Ingenzi watanga ishusho y’uburyo wamenyanye na Sekabuhoro Ezekiyasi?
Niyoyita Elie
Muzehe Sekabuhoro Twaramenyanye tubana neza kugeza ubwo anyiyumvamo atyo akampa umutungo we abikoze mu irage kuko nta mwana yigeze abyara.Ibi
byose byatangiye 2017/06/ubwo twakoraga umurimo wo kubwiriza.icyo gihe twabwirizaga inzu ku nzu ngeze kuri urwo rugo nsanga uwo musaza abayeho nabi yararwaye imvunja umubiri wose,adaheruka gukaraba umubiri we wose umeze nk’uruhu rw’imvubu wuzuye amagaragamba kandi uvuvuka,umusatsi waramwereyeho kuburyo kubona isura ye yo mu maso utapfaga kuyibona,arara kandi yirirwa mu mukungugu imbaragasa n’inda zimutondagira,nta mwenda wo kwambara yagiraga uretse agatenge k’ikanga umugore we yari yarapfuye asize ariko yambara kandi akaba ari nako yiyorosaga aryamye,kujya mu bwiherero ajya kwiherera mu ishyamba yari yarateye hafi aho,atagira icyo kurya icyo aricyo cyose mu nzu yabagamo nayo yandaga kumugwira,igihe cyo guteka yatekaga ibiguri by’amateke byafennye yabona bituzuye agasafuriya agashaka amakoma akuzuzamo ubundi agashyiramo amazi agacanira akabihekenya ubundi aryama.muri make mbifashijwemo na Yehova no kuba abahamya ba Yehova twigishwa gukunda abantu b’ingeri zose(Yohana 13:34,35) nagerageje kumwitaho uko bishoboka kose muhandura za mvunja,ndamwuhagira,ndamwuhagira,mushakira uburiri bwo kuryamaho,mushakirara ibyo kurya,ibyo kwiyorosa bisusurutse,mwubakira inzu isimbura iyari yamuguyeho,murihira umwenda yari yashyizwemo na dutabarane bashyingura umukecuru we ari nawe mugore we bavuga ko ingwate ari ubutaka yari atuyemo ikigeretse kuri ibyo kuko nta bwishingizi bwa dutabarane yabagamo nahise murihira imigabane yose y’igihe kirekire abanyamuryango bari gejejemo ibyo byatumye yongera kugira uburenganzira ku isambu ye yose 100/100 kandi ibyo byose nkomeza kubimukorera kugeza igihe yapfiriye muwa 2025 nguko uko byagenze kugirango ngere ku rwego rwo kunyiyumvamo bigeze aho.

:Ingenzi irage wahawe twumvise ko haruwaje araritambamira?apfana iki n’uwaguhaye irage?uwukubuza umudendezo yitwa nde?
Niyoyita Elie yiyita umwana wa Nyakwigendera.

umbuza umudendezo yitwa Habiyakare Cyprien
Ingenzi kuva yigabije umutungo wawe byaguteye igihombo kingana gute?
Niyoyita Elie
nakomeje gusiragira mva aho ntuye ubu njya aho uwo mutungo uherereye mu nzego zose z’ibanze za Kirehe ariko kandi bintwara amatike nitegera ntegera n’undi wabaga arinze umutekano wanjye kuko abari muri uwo mutungo bari baravuze ko nimpagera bazanca umutwe bakiyambukira Tanzaniya,kuva 2025 yaba inzu yagombye kuba yarakodeshejwe,isambu ihingwa,ibiti byera imbuto ziribwa bisarurwa bikavamo amafaranga,ishyamba ry’inturusu ibiti bimo byeze bisarurwa bikabyara amafaranga,Amafaranga nagiye nkoresha ngura amayinite yo gukurikirana aho dossier yabaga igeze muri izo nzego z’ibanze,igihe n’umwanya nagombye kuba narakoreshaga mu kandi kazi gatunga muryango ibyo byose nta nakimwe nagizeho uburenganzira
Ingenzi usoza ikiganiro n’iki wasaba inzego zitandukanye z’ubuyobozi?
Niyoyita Elie narangiza nsaba inzego z’ubuyobozi kwita ku bibazo by’abaturage mu maguru mashya birinda gusiragiza umuturage bagatanga Service nziza nkuko bahora babigirwamo inama na Nyakubahwa Perezida wa Repuburika y’u Rwanda.Abandenganyije: nabo bazashishoze barebe bandenganura,gusa ubu ndashimira Gitifu w’Umurenge wa Kigarama kuko yanteze amatwi ambwira ko ikibazo cyane azagikemura.
Ubu noneho bemeza ko narenganyijwe , ariko
kuko n’ itegeko rishya ku izungura n’irage rirasobanutse neza ntabwo Habiyakare Cyprien akwiye kuza kwiyita umwana wa Sekabuhoro Ezekiyasi ngo bihabwe agaciro.

Abakingiye ikibaba Habiyakare Cyprien
baragirango nzaburane na nde ko batantereye cash ngo ateze ibibazo ahubwo ko ntekereza ko ubuyobozi bwari gufata uriya wiyitirira ko yabyawe nuriya musaza nk’igisambo cyangwa umuriganya wigabiza iby’abandi nta burenganzira abifitiye bagahita bamwirukana?niyo mpamvu ubisesenguye wasanga ziriya nzego arizo zibifitemo inyungu gusa zikikingiriza uriya Habiyakare Cyprien wiyise umwana wa Nyakwigendera Sekabuhoro Ezekiyasi,kandi igihe yabereyeho mubuzima bubi ntacyo yamufashije.Gitifu w’Umurenge wa Kigarama niwe Niyoyita Elie ahanze amaso ku karengane n’akagambane yakorewe .
Inzego zibanze zijye zikemura ikibazo amazi atararenga inkombe.
Murenzi Louis