Kamayirese Jean D’amour uyobora Rwanda leather association yungutse umushoramari Hesham Gazar wo mugihugu cya Misiri uzabafasha guteza imbere impu.

U Rwanda rukomeje gukataza mu mutekano bigaha umunyarwanda ubwisanzure mu iterambere n’ishoramari,bikaba ikiraro cyambukirwaho n’abanyamahanga gushora imali mu Rwanda bikazamura imibereho .
Aha niho hatumye umushoramari uvuka mugihugu cya Misiri,ariwe
Hesham Gazar, ari muruzinduko rw’akazi mu Rwanda.Uyu mushoramari Hesham Gazar azwiho ko ariwe CEO,bisobanuye ko ar’umuyobozi mukuru wa Leather and More Company.Amakuru meza kuri Rwanda leather association n’uko uru ruzinduko rw’uyu mushoramari rugamije kureba amahirwe yo gushora imari mu rwego rw’inganda zitunganya impu z’inyamaswa.
Mu ruzinduko rwe, Hesham Gazar yasuye abakora ibikomoka ku mpu mu Rwanda bibumbiye muri Rwanda Leather Association, iyobowe na Kamayirese Jean d’Amour.

Ibiganiro bagiranye byibanze ku buryo hashyirwaho ishoramari rihamye mu rwego rw’impu, cyane cyane kuzitunganya zikiva ku matungo magufi n’amaremare, hagamijwe kongera agaciro ku bikorerwa mu Rwanda.Itangazamakuru naryo ntiryatanzwe mu kiganiro n’umushoramari ukomoka mugihugu cya Misiri Hesham Gazar humviswe byinshi bizazamura ba Rwiyemezamirimo bo muri Rwanda leather association iyobowe na Kamayirese Jean D’amour.

Ikiganiro n’itangazamakuru, Hesham Gazar yatangaje ko yishimiye cyane uko yakiriwe n’ibikorwa yabonye by’abanyamuryango ba Rwanda Leather Association, avuga ko byamuhaye icyizere cyo gushora imari mu Rwanda.
Yagize ati:
Nakiriwe neza kandi ndishimye cyane. Nd’ umushoramari mu nzego zitandukanye zirimo ubuvuzi, ubworozi n’izindi. Ngamije kuba umwe mu bashoramari bashora imari mu Rwanda dufatanyije na Rwanda Leather Association dushinge uruganda rutunganya impu. Nzatanga igisubizo vuba, mu cyumweru kimwe cyangwa bibiri, ariko ntibizarenga ibyumweru bine. Nzava mu Rwanda ntanze umurongo uhamye w’imikoranire.”K’uruhande
rwa Perezida wa Rwanda leather association Kamayirese Jean d’Amour, yavuze ko uku kugenderwa n’abashoramari b’abanyamahanga ari umusaruro wa politiki nziza y’igihugu mu gukurura ishoramari, by’umwihariko uruhare rukomeye rwa Nyakubahwa Perezida wa Repubulika y’u Rwanda, Paul Kagame.
Yagize ati:
“Turashimira” Nyakubahwa Perezida Paul Kagame washyigikiye cyane urwego rw’impu rwari rwarasigaye inyuma. Uruzinduko rwe mu bihugu bitandukanye no kugaragaza amahirwe y’ishoramari byatumye abashoramari baturuka mu Misiri batugana. Turateganya gukorana na bo dushyireho uruganda, bityo twambike Abanyarwanda ibikorerwa iwacu.”

Iri shoramari ritezweho kongera umusaruro mu rwego rw’impu, guhanga imirimo mishya, guteza imbere ubumenyi mu nganda no kugabanya ibicuruzwa bitumizwa mu mahanga, bigendanye n’icyerekezo cy’igihugu cyo kwihutisha inganda n’iterambere rirambye.Umunyamuryango wa Rwanda leather association nawe yishimiye uruzinduko rw’umushoramari wabasuye ,kuko bigiye guha agaciro ibyo bakora.