Namenye Patrick yateye ikinyoma cy’intsinzi mu ikipe ya Rayon sports kimusandaranye ahimba ko yakubiswe.
Urujya n’uruza rw’ibibazo byugarije ikipe ya Rayon sports iyobowe na Fidel Uwayezu bimaze kumenyekana aho byakomotse.Reka turebe uko Uwayezu Fidel yagabiwe ikipe ya Rayon sports nabo bari kumwe.Ubwo inzibacyuho ya Murenzi Abdalah yarirangiye nibwo RGB yagennye Uwayezu Fidel kuba Perezida wa Rayon sports.Uwayezu ati”Jyewe nta faranga ryanjye nzashyira mu ikipe.Umwaka wa mbere ikipe ya Rayon sports yabaye iya kalindwi muri shampiyona.Abakunzi b’ikipe ya Rayon sports bati”Uwayezu Fidel aracyubaka ntaramenya uko ikibuga cy’umupira kimeze.Umwaka wakurikiyeho ikipe ya Rayon sports yabaye iya kane.Umwaka wakurikiyeho benshi mu bakunzi b’ikipe ya Rayon sports batangiye gukemanga Uwayezu Fidel hamwe n’umunyamabanga we Patrick Namenye kongeraho umutoza Haringingo Francis.Ubwo ikipe ya Rayon sports yageraga k’umukino wa nyuma w’igikombe cy’Amahoro bamwe mubakinnyi baciwemo ibice babuzwa kujya gukina.Abakunzi b’ikipe ya Rayon sports barahagurutse baharanira intsinzi maze batsinda mukeba batwara igikombe.Itangira rya shampiyona 2023/2024 ubukomisiyoneri bwa Patrick Namenye nibwo bwigaragaje.Aha tugiye kubereka amakosa yakozwe na Patrick Namenye ariyo ariho ashaka korosaho ikinyoma cy’uko hariho abarwanya Komite,nawe ubwe bakamurwanya.
Igurwa ry’abakinnyi badashoboye birukanywe n’ikipe ya Kiyovu sports.Namenye yazanye umukinnyi Serumogo Ally adakenwe birukana umwana ukiri muto witwa Flecien ujya muri Musanze fc.Namenye yanze umukinnyi Niyonzima Sef yarashakaga miliyoni 6 agasinya imyaka ibiri,ahubwo azana umukinnyi uciriritse witwa Kalisa Rachid.,agurwa menshi ,kandi amusinyisha umwaka umwe. Ahandi Namenye Patrick yakoze amarorerwa naho yaguze umukinnyi Nsabimana Aimable wirukanywe ,nawe amusinyisha umwaka umwe.Kuba ikipe yaracitsemo ibice yifashishije umutoza nawe udashoboye.Uko hakinwaga buri mukino hagaragara ko umutoza adashoboye kugeza naho Namenye Patrick yafashe udutsiko twabamwe mubareyo kumunekera abanenga imitoreze yuriya mutoza.
Ubwo bamwe mubakunzi b’ikipe ya Rayon sports babwiraga Namenye Patrick ko umutoza Muhammad adashoboye hakwiye umukuru,aho gukosora yatangiye kurema amatsinda azashinja ko batemera Uwayezu Fidel.
Uko ikinyoma cya Namenye Patrick cyasandaye agahimba ko bamurwanya no gutegura kumukubita.Umukino wahuje ikipe ya Rayon sports niy’As Kigali waje kwibazwaho aho umukinnyi Youssef yakuwe mu kibuga ariwe warushoboye ubusatirizi.Umukino Gasogi yatsinzemo Rayon sports werekanyeko umutoza Muhammad adashoboye kuko kugeza no ku itariki 16/Mutarama 2024 yambuwe gutoza.Iyi niyo ngingo yemeje ko ikinyoma cya Namenye Patrick cyasandaye.Uwayezu na Patrick baguze abakinnyi benshi ,kandi bagurwa amafaranga menshi badashoboye.
Andi makuru agera ku kinyamakuru ingenzi newspaper na ingenzinyayo com nay’uko Patrick Namenye ashaka kugurisha Mucyo Didier junior mu ikipe ya Police fc.Ahandi herekanako Namenye Patrick ar’ikibazo mu ikipe ya Rayon sports naho yatanze umukinnyi Adolphe muri As Kigali.Uko bucya bukira ikipe ya Rayon sports irava muzihatanira shampiyona,none icy’Amahoro cyo bizashoboka.Amagambo agayitse ya Fidel Uwayezu nayo yatumye abakunzi b’ikipe ya Rayon sports bamukuraho icyizere.Abafana bitwa Abahuriga bo biyemeje kutazashyigikira Namenye Patrick mugihe cyose agisenya ikipe yabo.Mugihe hariho higwa ingamba nshya nko kuzana umutoza mukuru haribazwa Ikibazo cy’umukinnyi Haruna icyo yabaye,mugihe bivugwako harububyo bashaka kuzamuha APR fc utaha.Ufite umuti wa Rayon sports niwe uhanzwe amaso.Umuti ni Komite iharanira intsinzi.
Kimenyi Claude
