Abanyotewe no kuyobora Kiyovu sports bari bakoze kudeta iburizwamo.
Mu Rwanda umupira w'amaguru ukomeje kugaragaramo ibikorwa bitandukanye n'uburyo utegurwamo.Inkuru yacu iri ku bibazo byugarije ikipe ya Kiyovu sports,kugeza naho bivugwa ko mu masaha ya sacyenda hari hakozwe kudeta hifashishijwe ibaruwa itumiza inteko rusange itegura amatora.
Ikipe ya Kiyovu sports ivugwamo ko ariyo yaguze abakinnyi ititaye ku cyorezo cya coronavirus.Ibibazo byo muri Kiyovu sports bijya gutangira byavuye ku ngingo imwe yavugaga ko hari umunyemari Mvukiyehe Juvenal waje ari igisubizo cy'ibibazo byose byagiye byugariza Kiyovu sports.
Andi makuru ava hagati mu bayovu ni ashimangira ko tariki ya cumi Nzeli 2020,aribwo DG wa Kiyovu sports witwa Bernard yahawe uburenganzira bwo gutumira inama ya Komisiyo bashinze kuzategura amatora.
Uko abo dukesha amakuru bakomeje badutangariza ngo Bernard yahinduye inyito y'ibaruwa ahubwo ayigira itumira abanyamuryango ba Kiyovu sports.Iyi baruwa ikimara gusakara hagati mu bayovu,ikaza no kugera mu itangazamakuru komite ya Kiyovu sports yahise yamaganira kure iyo baruwa.Abateguraga amatora twakwita ayibusambo bo bakomeje gushakisha izindi nzira bacamo ngo bafate ubutegetsi.Andi makuru azunguruka mu itangazamakuru nahandi mu bakunda umupira w'amaguru humvikana ko Mvukiyehe Juvenal agomba kuyobora Kiyovu sports.Abazi amategeko agenga ikipe ya Kiyovu sports basanga Mvukiyehe Juvenal atazayobora azarindira amezi atandatu.
Kiyovu sports nayo isa nkiyatangiye inzira yo guteguraejo hazaza heza,ariko kuba batangiye ibibazo byo gushaka kwimika abataruzuza ibisabwa n'amategeko nicyerekana ko baba bayiganisha habi.Abo bireba nimwe muhanzwe amaso.
Murenzi Louis
