Rwamucyo Prosper Gitifu w’Umurenge wa Huye arakekwaho gukingira ikibaba abenga bakanacuruza inzoga ya Nyirantare bakanangiza ibikorwaremezo.
Umuntu iyo ahawe inshingano z'ubuyobozi afata idarapo ry'igihugu akarahirira ko nateshuka azabihanirwe . Abasesengura ibikorerwa mu murenge wa Huye wo mu karere ka Huye mu Ntarae y'Amajyepfo bavugako binyuranye n'inshingano zihabwa Umuyobozi uhawe kuyobora.
Niho bahera bavugako Gitifu w'umurenge wa Huye Rwamucyo prosper akwiye kubazwa ukuntu ikiyobyabwenge cy'inzoga yitwa Nyirantare yashinze imizi ,aho kuyirandura akayibungabunga.Ikimenyetso cy'uko Nyirantare ar'ikiyobyabwenge naho abashumba buwitwa Ruzindana bayinyoye ikabayayura ubwonko bagakubita mugenzi wabo witwaga Kalisiti kugeza ashizemo umwuka.(Imana imwamire mubayo).
Akagali ka Rukira havugwamo Nyirantare kugeza naho yengwa ikanacuruzwa ku mugaragaro.Ignace uyobora nako uyobya umudugudu wa Gacyamu yarafashwe nabwo ar'uko abaturage basakuje,ariko ikibabaje Gitifu Rwamucyo prosper yaramugaruye amusubiza k'ubuyobozi.Abandi bavugwa ko benga ikiyobyabwenge cy'inzoga yitwa Nyirantare mu murenge wa Huye ni:Narasisi na mugenzi we Aisha batuye mu mudugudu w'Akanazi.
Abandi bavugwa ni Mukashyaka na Kazungu bo baba muri Komite y'ubuyobozi bw'umudugudu w'Akanazi,niyo mpamvu ikiyobyabwenge cy'inzoga yitwa Nyirantare niya kanyanga byahageze bigasasirwa nabyo bikayayura imitwe yababinywa bikangiza ubuzima bwabo.
Mu Mpungwe naho Nyirantare barayakiriye kubera imikorere mibi ya Rwamucyo prosper wigize ntibindeba bituma abitwa Nsenga mwene Seleman na Laphail benga bakanacuruza ibiyobyabwenge.Uwiyise Garcon mwene Iyamuremye wo mu Mpungwe nawe kubera ubucuti ngo afitanye na Rwamucyo ntiyasigaye muruhando rwo kwenga no gucuruza ibiyobyabwenge.
Ikindi gikorwa kigayitse mu murenge wa Huye nicyo gufunga umuhanda ujya mu mudugudu wubakiwe amazu y'abapfakazi barokotse jenoside yakorewe abatutsi.Iki gikorwa cyakozwe na Darius Nzeyimana mwene Nzeyimana Alexis.
Iki gikorwa kigayitse cyakozwe na mwene Nzeyimana wahunze kubera uruhare yagize muri jenoside yakorewe abatutsi.
Ubwo twahamagaraga Gitifu w'umurenge Rwamucyo prosper yaratubwiye ngo araje atuvugishe ahita afunga itumanaho.Twahamagaye Gitifu w'Akagali ka Muyogoro Alice tumubaza ifungwa ry'umuhanda ujya mu mudugudu wabarokotse jenoside yakorewe abatutsi.
Gitifu Alice yatangarije ikinyamakuru Ingenzi na Ingenzinyayo .com ko Umuyobozi w'Akarere yahageze akahasura.Abaturage bahise bamaganira kure imvugo ya Gitifu w'Akagali ka Muyogoro kuko ibikorwa mwene Nzeyimana Alexis akora byerekeranye ko bagihohoterwa nabo mu miryango yatumye baba incike.
Ubwo twakoraga iyi nkuru twagerageje kuvugisha inzego zitandukanye ku kibazo cya Gitifu w'umurenge wa Huye Rwamucyo prosper badutangariza ko iyo inshingano zinaniye Umuyobozi areguzwa.
Umuturage wese wo mu murenge wa Huye arasaba ko Rwamucyo prosper yakweguzwa .Inzego zitandukanye zigeze guhuruzwa zifata Nyirantare zirayimena,ariko n'ubu zirakengwa zikanacuruzwa.Abatuye mu kagali ka Muyogoro mu mudugudu wa Kagarama barasaba ko barenganurwa.
Ingenzi
